Auglýsing

Loks­ins, loks­ins kom fram frum­varp um breyt­ingu á úreltum lög­um, lög sem í dag heita lög um ráð­gjöf og fræðslu varð­andi kyn­líf og barn­eignir og um fóst­ur­eyð­ingar og ófrjó­sem­is­að­gerð­ir, lög frá árinu 1975 sem eins og nafnið gefur til kynna blandar saman alls­konar ólíkum hlut­um. Sam­fé­lagið hefur breyst en það að konur verði ófrískar og hvernig mun seint breytast, það segir sig sjálft. En þegar texti gild­andi laga er skoð­aður ætti öllum að vera ljóst að þörf er á breyt­ing­um. Þótt ekki sé nema fyrir það hvað lögin í dag fjalla um ólíka þætti í sama laga­bálki og það hversu sjálfs­á­kvörð­un­ar­réttur kvenna er, sam­kvæmt laga­text­an­um, lít­ill. Í raun er það þannig að ferlið við fóst­ur­eyð­ingar í dag er ekki í fullu sam­ræmi við laga­text­ann, sem er auð­vitað ótækt. Þá þarf að taka ákvörðun um hvort breyta þurfi fram­kvæmd­inni þannig að hún sé í fullu sam­ræmi við lög­in, eða hvort lögin séu úrelt og þurfi að breyta í auknu sam­ræmi við fram­kvæmd.

Fæð­ing­ar­læknar hafa kallað eftir breyt­ingu á lög­unum sem þeir hafa talið barn síns tíma. Í mars 2016 skip­aði þáver­andi heil­brigð­is­ráð­herra Krist­ján Þór Júl­í­us­son nefnd sem ætlað var að vinna að heild­ar­end­ur­skoðun lag­anna. Í nóv­em­ber sama ár skil­aði nefndin skýrslu til ráð­herra og lagði til að sett yrðu þrenn ný lög í stað eldri laga, þ.e. lög um fræðslu og ráð­gjöf varð­andi kyn­heil­brigði, lög um þung­un­ar­rof og lög um ófrjó­sem­is­að­gerð­ir. Einnig lagði nefndin til að heim­ilt yrði að rjúfa þungun að beiðni konu fram að lokum 22. viku þung­unar ef engar lækn­is­fræði­legar ástæður mæltu gegn því. Voru nið­ur­stöður nefnd­ar­innar lagðar til grund­vallar því frum­varpi sem nú liggur fyrir þing­inu.

Hvar á ábyrgðin að liggja?

Mest er deilt um þá laga­breyt­ingu í frum­varp­inu að hægt verði að fram­kvæma þung­un­ar­rof að beiðni konu fram að lokum 22. viku án þess að fyrir því séu ástæður sem skrif­aðar eru inn í frum­varp­ið. Í dag er það þannig í lög­unum að það þurfa að vera til­greindar ástæður fyrir því að leyfa skuli fóst­ur­eyð­ingu. Ástæð­urnar skulu vera lækn­is­fræði­leg­ar, félags­legar eða að þung­unun sé til­komin í kjöl­far nauðg­un­ar. Sam­kvæmt lög­unum þurfa tveir sér­fræð­ingar að skrifa upp á beiðn­ina og þannig í raun sam­þykkja að aðstæður kon­unnar séu í sam­ræmi við það sem lögin heim­ila. Við mat á félags­legum ástæðum skal tekið mið af því hvort konan hafi alið mörg börn með stuttu milli­bili og skammt sé frá síð­asta barns­burði, hvort konan búi við bágar heim­il­is­að­stæður vegna ómegðar eða alvar­legs heilsu­leysis ann­arra á heim­il­inu, konan geti ekki vegna æsku eða þroska­leysis ann­ast barn á full­nægj­andi hátt eða um sé að ræða ástæður sem eru fylli­lega sam­bæri­legar fram­an­greindum ástæð­um.

Auglýsing

Það eru alltaf ástæður fyrir því að kona velur þung­un­ar­rof. Hverjar þær eru geta verið mjög mis­mun­andi og ég leyfi mér að efast um að núver­andi laga­texti nái utan um það. Ég á bágt með að sjá að lög­gjaf­inn geti með ein­hverju móti skrifað inn í lög hvaða ástæður heim­ila þung­un­ar­rof og þar af leið­andi hvaða ástæður leyfa það ekki. Af þeim sökum er ég á þeirri skoðun að ábyrgðin á ákvörðun um þung­un­ar­rof þurfi og eigi að liggja hjá kon­unni sjálfri. Það er það sem núver­andi frum­varp gerir ráð fyrir en að sjálf­sögðu verður áfram tryggt að konan fái stuðn­ing og fræðslu við hæfi, bæði fyrir og eftir þung­un­ar­rof.

Libra skjálfti hjá seðlabönkum
Áform Facebook um að setja í loftið Libra rafmyntina á næsta ári hafa valdið miklum titringi hjá seðlabönkum. Hver verða áhrifin? Þegar stórt er spurt, er fátt um svör og óvissan virðist valda áhyggjum hjá seðlabönkum heimsins.
Kjarninn 24. júní 2019
Lögfræðikostnaður vegna orkupakkans rúmlega 16 milljónir
Lögfræðiráðgjafar var aflað frá sex aðilum.
Kjarninn 24. júní 2019
Helga Dögg Sverrisdóttir
Þörf á rannsóknum á ofbeldi í garð kennara hér á landi
Kjarninn 24. júní 2019
Stuðningur við þriðja orkupakkan eykst mest meðal kjósenda Vinstri grænna
90 prósent kjósenda Miðflokksins eru mjög eða frekar andvíg innleiðingu þriðja orkupakkans.
Kjarninn 24. júní 2019
Vilja koma böndum á óhóflega sykurneyslu landsmanna
Skipaður hefur starfshópur til að innleiða aðgerðaáætlun Embættis landlæknis til að draga úr sykurneyslu landsmanna. Landlæknir telur að vörugjöld og skattlagning á sykruð matvæli sé sú aðgerð sem beri hvað mestan árangur þegar draga á úr sykurneyslu.
Kjarninn 24. júní 2019
Kjósendur Miðflokks, Flokks fólksins og Framsóknar helst á móti Borgarlínu
Kjósendur Samfylkingar, Viðreisnar og Pírata eru hlynntastir Borgarlínu.
Kjarninn 24. júní 2019
Snæbjörn Guðmundsson
Hvalárvirkjun í óþökk landeigenda
Leslistinn 24. júní 2019
Borgarlínan
Stuðningur við Borgarlínu aldrei mælst meiri
54 prósent Íslendinga eru hlynnt Borgarlínunni en um 22 prósent andvíg.
Kjarninn 24. júní 2019
Meira eftir höfundinnBryndís Haraldsdóttir