Auglýsing

Síð­ustu viku höfum við upp­lifað fjaðrafok út af barna­bók. Ég ætla svo sem ekki að hella mér út í bar­áttu hjúkr­un­ar­fræð­inga fyrir við­ur­kenn­ingu á þeirra mik­il­væga starfi í þessum pistli enda eru þeir full­færir um það sjálf­ir. Mig langar að ræða við­brögðin við hóf­stilltri gagn­rýni þeirra. Og hér skrifar ekki hlut­laus áhorf­andi heldur barna­bóka­höf­undur þeirrar gerðar sem finnst barna­bækur með því mik­il­væg­asta í heimi.

Nokkur dæmi frá virkum í athuga­semdum við umfjöllun Vísis:

  • „Þvi­lik minni­mátt­ar­kennd í íslenskum konum enda­laust, vona að hún verði kærð fyrir þessa mynd­birt­ing­u.“

  • „Þaaað er bara hægt að væla yfir öllu í dag“

  • „Ótrú­leg leið­indi enda­laust, áfram fyrr og nú Birgitta Hauk­dal!“

  • „Ef þetta er það sem hjúkkur hafa tíma til að missa sig yfir þá held èg að þær hafi það bara gott.“

  • „Heitir þetta ekki SKÁLD­SKAPUR leng­ur??? Bók er EKKI raun­veru­leiki krakkar mín­ir...“

  • „Hvað er málið ? þétta er barna bók og er án efa góð bók fyri börn­in“

Einmitt. Konur væla og þetta er „bara barna­bók“. Dóm­stóll göt­unnar hefur tal­að.

Auglýsing

Við sem skrifum stundum fyrir börn (það er ekki hægt að hafa barna­bóka­skrif að aðal­starfi í landi þar sem aðeins 4500 börn fæð­ast á ári) og reynum að gera eins vel og við getum erum ekki alveg sam­mála. Við vitum að bækur okkar fara víða og hitta alls­konar börn, á ólíkum aldri og jafn­vel ólíkum tím­um. Við gerum okkur grein fyrir því að við höfum aðgang að óhörðn­uðum og oft áhrifagjörnum börnum og ung­lingum og með orðum okkar og myndum höfum við jafn­vel, þegar best tekst til, var­an­leg áhrif á barns­sál­ina. Okk­ur, eða öllu heldur bók­unum okk­ar, er hleypt inn í barna­her­berg­in, skóla­stof­urn­ar, inn í kósí­stund­irnar og upp í rúm fyrir svefn­inn. Ef við gerum okkar allra besta gerum við kannski ein­hver börn að betra full­orðnu fólki í fram­tíð­inni. Það er alla­vega morg­un­ljóst að hvorki Astrid Lind­gren né Guð­rún Helga­dóttir hafa gert heim­inn að verri stað.

Stundum er því haldið fram að það þurfi heilt þorp til að ala upp hvert barn. Það er rétt og við þurfum öll að gera skyldu okk­ar. Ábyrgð þess sem fær að tala við börn milli­liða­laust – kenna þeim, sýna þeim, fræða þau, kæta þau og græta, er mik­il. Það er ekki sjálf­gefið að fá slík tæki­færi og í því felst vald til áhrifa sem eng­inn ætti að van­meta. Það er nefni­lega ekk­ert „bara“ við barna­bæk­ur.

Í því ljósi er und­ar­legt hvað barna­bækur og barna­menn­ing fær oft litla og ófag­lega gagn­rýni. Sum síð­ustu ár hefur vart birst gagn­rýni um barna­bók í sumum dag­blöðum þótt flestir fjöl­miðlar virð­ist vera að taka sig á núna. Það er samt eins og eng­inn þori almenn­lega að taka fag­lega á barna­bókum og greina þær almenni­lega. Eins og höf­undar þeirra séu börn sem ekki megi særa. Höf­und­arnir eru þó í flestum til­fellum full­orðið fólk og mál­efna­leg gagn­rýni er ekki árás á höf­und­inn. Ár eftir ár koma líka út barna- og ung­linga­bækur hér á landi sem eru varla papp­írs­ins virði en eng­inn virð­ist taka eftir því fyrr en ein­hver „smá­at­riði“ eins og úreltar staðalí­myndir hjúkr­un­ar­fræð­inga eða rétt­læt­ing á kyn­ferð­is­of­beldi dúkka upp á sam­fé­lags­miðlum.

Barna­bókin hefur bæði verið í sókn og örlít­illi krísu nýverið – eins mót­sagna­kennt og það kann að hljóma. Aldrei hafa barna­bækur verið í meiri og harð­ari sam­keppni við aðra afþr­ey­ingu. Nú fá börn – sem áður hefðu stytt sér stundir með bók – spjald­tölvu eða síma í hend­urnar frá því þau eru pínu­lít­il. Þessi harða sam­keppni hefur þó líka verið brýn­ing og sjaldan hafa góðar barna­bækur verið betri. Barna­bóka­út­gáfa örþjóðar stendur þó sjaldn­ast undir sér og þá freist­ast sumir til að stytta sér leið. Það er víða spar­að. Stundum er yfir­lestri veru­lega ábóta­vant, umbrot við­van­ings­legt og mynd­skreyt­ingar keyptar af erlendum teiknurum sem búa í löndum þar sem verð­lag er lægra og lista­menn­irnir sætta sig við minna fyrir sína vinnu. Í bygg­ing­ar­iðn­aði er slíkt kallað félags­leg und­ir­boð. Barnið fær svo bók­ina og eng­inn pælir meira í því.

Bókin sem mest hefur verið til umfjöll­unar síð­ust daga er höf­unda­verk tveggja kvenna, texta­höf­undar og mynd­höf­und­ar. Engu að síður er bara einn „höf­und­ur“ kynntur til sög­unnar á kápu og aug­lýs­ing­um. Sá íslenski. Armensku kon­unn­ar, Ana­hit Aleqsani­an, sem teiknar mynd­irnar í bæk­urnar um Láru, er í engu getið á kápu bók­ar­inn­ar. Hún er ósýni­leg og þótt hennar sé vissu­lega getið á upp­lýs­inga­síðu bók­ar­innar er höf­und­ar­rétt­ur­inn skrif­aður á Birgittu Hauk­dal.

Armenskur teikn­ari er ekki endi­lega ómögu­leg­ur. Upp­runi hans myndi ekki skipta neinu máli ef hann væri að mynd­skreyta bók sem gerð­ist í geimnum eða í fantasíu­ver­öld. Hann væri líka senni­lega miklu hæf­ari en íslenskir teikn­arar til að mynd­skreyta barna­bók sem gerð­ist í Armen­íu. Þar er hann öllum hnútum kunn­ugur og þyrfti ekki að leggj­ast í gríð­ar­lega rann­sókn­ar­vinnu, eins og íslenskur teikn­ari þyrfti að gera, til að kom­ast skamm­laust frá verk­inu. En armenskur teikn­ari er ekki best til þess fall­inn að mynd­skreyta bók sem ger­ist á Íslandi og er skrifuð fyrir íslensk börn. Til þess þyrfti hann að vinna gríð­ar­lega rann­sókn­ar­vinnu eða heim­sækja land­ið. Fátt bendir til þess að sú rann­sókn­ar­vinna hafi verið unnin fyrir bæk­urnar um Láru þótt sjá megi örlitla fram­för í nýrri bók­un­um. Þegar gefnar eru út barna­bækur fyrir íslensk börn sem eiga að ger­ast hér á landi í sam­tím­anum verður mynd­heim­ur­inn að sýna það. Annars erum við að gefa ungu les­end­unum þau skila­boð að þeirra veru­leiki sé ekki nægi­lega merki­legur í sögu.

Níger­íski rit­höf­und­ur­inn Chimam­anda Ngozi Adichie segir frá því í fyr­ir­lestri sínum „The Dan­gers of a Single Story“ eða „Hættan við eins­leita sögu“ þegar hún, þá sjö ára göm­ul, fór að skrifa sög­ur, þá fjöll­uðu þær allar um hvít og blá­eygð börn sem sem átu epli, drukku engi­fer­öl, léku sér í snjónum og töl­uðu um veðrið og hve ljúft það væri ef sæist til sól­ar. Hennar eigin sögur end­ur­spegl­uðu því ekki hennar reynslu­heim heldur þær bresku og banda­rísku barna­bækur sem hún hafði aðgang að. Hún átt­aði sig ekki á því að bók­menntir gætu fjallað um börn eins og hana sjálfa, börn sem léku sér undir brenn­heitri sól, snæddu mangó og höfðu aldrei séð snjó.

Alveg eins og börnin í Nígeríu eiga rétt á barna­bókum um sig eiga íslensk börn rétt á að lesa bækur sem end­ur­spegla upp­runa þeirra og sam­tíma – ekki af því að þær séu betri en aðrar bækur (þótt góðar íslenskar barna­bækur séu sann­ar­lega á heims­mæli­kvarða) eða að Ísland sé betra en önnur lönd – það er það ekki.

Við eigum bara öll rétt á sögum um okkur og þess vegna gefum við út bækur á Íslandi.

Lilja D. Alfreðsdóttir stendur frammi fyrir brekku til að halda sér inni á þingi samkvæmt könnunum.
Hvorki Miðflokkur né Framsókn mælast með mann inni í Reykjavík
Samfylkingin, Sósíalistaflokkur Íslands og Viðreisn mælast á góðri siglingu í Reykjavíkurkjördæmunum tveimur. Staða stjórnarflokkanna í höfuðborginni veikist mikið og Framsóknarflokkurinn myndi ekki ná inn manni þar að óbreyttu.
Kjarninn 26. janúar 2021
Verkefnisstjórn 4. áfanga rammaáætlunar fékk 34 vindorkukosti inn á sitt borð í fyrra.
Vindorkukostir sem eru 10 MW eða meira heyri undir rammaáætlun
Lagt er til að land verði flokkað með tilliti til vindorkuvera í tengslum við breytingar á frumvarpi um rammaáætlun. „Telja verður að vindorkuver geti haft í för með sér minna óafturkræft rask en hefðbundnari orkukostir,“ segir í greinargerð.
Kjarninn 26. janúar 2021
Kristján Þór Júlíusson, sjávarútvegs- og landbúnaðarráðherra.
Loðnukvótinn aukinn – Fá að veiða 61 þúsund tonn
Tekist hefur að afstýra loðnubresti þriðja árið í röð. Sjávarútvegs- og landbúnaðarráðherra segir að mikið sé í húfi fyrir viðspyrnu efnahagslífsins að loðnuvertíðin verði eins öflug og kostur sé.
Kjarninn 26. janúar 2021
Hámarksálag á reikisímtöl verður lækkað um tæp fjögur prósent
Evrópusambandið hefur sett reglugerð sem lækkar þá upphæð sem fjarskiptafyrirtæki mega rukka fyrir umframnotkun reikisímtala. Til stendur að taka reglugerðina upp í EES-samningnum og þar með hérlendis.
Kjarninn 26. janúar 2021
Tólf gefa kost á sér í forvali um fimm efstu sætin fyrir VG í Norðausturkjördæmi
Framboðsfrestur Vinstri grænna í Norðausturkjördæmi er runninn út.
Kjarninn 26. janúar 2021
Þjóðhættir
Þjóðhættir
Þjóðhættir – Fatnaður, geimferðir og sjálfbærni: Þjóðfræðirannsóknir fyrir framtíðina
Kjarninn 26. janúar 2021
Einná ferð á alþjóðaflugvellinum í Aþenu í Grikklandi.
Ísland fyrst Schengen-ríkja til að gefa út rafræn bólusetningarvottorð
Lönd sunnarlega í Evrópu vilja svör við því hvort að samræmd bólusetningarvottorð séu væntanleg á næstunni. Annað sumar án ferðamanna myndi hafa skelfilegar afleiðingar.
Kjarninn 26. janúar 2021
Betra er fyrir alla bóluefnum sé dreift jafnt um allan heiminn, samkvæmt rannsókninni
Iðnríkin myndu tapa á því að hamstra bóluefni
Ný rannsókn sýnir að heimsbúskapurinn gæti orðið fyrir miklu framleiðslutapi ef þróunarlönd verða ekki bólusett fyrir COVID-19 á sama tíma og ríkari lönd. Hér á landi gæti tapið numið allt að 3,7 prósentum af landsframleiðslu.
Kjarninn 25. janúar 2021
Meira eftir höfundinnMargrét Tryggvadóttir