Á sporbaug sem aldrei snertir jörðu

Fögur fyrirheit og kaldur raunveruleikinn

Auglýsing

Stundum líður mér eins og áhorf­anda í absúr­dleik­hús­i. 

Sam­fé­lagið okkar er um margt gott. Og raunar held ég að flest fólk sé gott, alla­vega í innsta kjarna sín­um. Ég held líka að flestir reyni að bæta sig, vanda sig í störfum sínum og leggja gott til sam­fé­lags­ins. 

En svo kemur "kerfið", eitt­hvert óskil­greint afl, sem við erum þó öll þátt­tak­endur í og berum ábyrgð á, og gerir eitt­hvað þver­öf­ugt. Og manni líður eins og verið sé að hafa okkur að fíflum eða að við séum að heyra fréttir frá ein­hverjum hlið­stæðum heimi sem er í tómu rugli. En svo erum það við sem erum í rugl­in­u. 

Auglýsing

Síð­ustu dagar hafa kannski ekki verið verri en margir aðrir en þó hafa minnst þrjú dæmi um þetta birst mér. Mál sem fá mig til að skamm­ast mín fyrir sam­fé­lag mitt en líka til að reyna að leggja gott til og gera bet­ur. 

Eitt:

Í vik­unni var hér haldin alþjóð­leg ráð­stefna um #Metoo-­bylt­ing­una. Ég átti þess ekki kost að sitja hana en skilst að hún hafi farið að mestu vel fram og mikið hafi verið á henni að græða. Á sama tíma birt­ust fréttir á mbl.is um að kona hafi fallið fram af svöl­um. Önnur frétt var birt um að hún hefði slasast alvar­lega við "fallið". 

Screenshot 2019-09-17 at 11.52.11.png

Eðli­legt er að sýna nær­gætni við fyrstu fréttir af hörmu­legum atburðum en þegar nákvæm­ari vitn­is­burður um atburða­rás­ina liggur fyrir er eðli­legt að upp­færa frétt­ir. Og það gerðu aðrir fjöl­miðlar sem greindu frá þessu einmitt. Þeir breyttu sínum fyr­ir­sögnum um leið og ljóst var að konan féll ekki. Henni var hrint fram af svöl­un­um. Slíkt ger­ist ekki sjálf­krafa. Það var ein­hver sem hrinti henni, sem sagt ger­andi. Samt kemur hann hvergi fram og er með öllu ósýni­legur í frétta­flutn­ingi mbl.is

Tvö:

Nú í byrjun sum­ars sam­þykkti Alþingi ný lög um kyn­rænt sjálf­ræði. Þessi lög eru mikil rétt­ar­bót fyrir trans­fólk eða ættu alla­vega að vera það. Mark­mið lag­anna er skýrt: "Lög þessi kveða á um rétt ein­stak­linga til þess að skil­greina kyn sitt og miða þannig að því að tryggja að kyn­vit­und þeirra njóti við­ur­kenn­ing­ar. Einnig er lög­unum ætlað að standa vörð um rétt ein­stak­linga til lík­am­legrar frið­helgi."

Engu að síður ber­ast nú fréttir um að rík­is­stofnun sem á að þjóna okkur borg­ur­unum og fara að lögum neiti íslenskri konu um að leið­rétta kyn­skrán­ingu sína og nafn sitt í þjóð­skrá. Upp­gefin ástæða er að konan eigi lög­heim­ili í útlönd­um. Ekk­ert í lög­unum kveður þó á um að búseta á Íslandi sé skil­yrði eða að þessi íslenska lög­gjöf gildi ekki um alla íslenska rík­is­borg­ara. Þetta virð­ist geð­þótta­á­kvörðun kerf­is­ins, þrátt fyrir spá­nýja lög­gjöf sem ég held að vandað hafi verið til. 

Þrjú:

Mig setti hljóða þegar ég sá for­síðu Frétta­blaðs­ins í morg­un. Þrátt fyrir að Hæsti­réttur hafi, eftir ára­tuga­bar­áttu sak­born­inga og ann­arra, sýknað sak­born­inga í Guð­mund­ar- og Geir­finns­málum og for­sæt­is­ráð­herra Íslands beðið þá afsök­unar fyrir hönd rík­is­stjórn­ar­innar á því rang­læti sem þeir hafa mátt þola, hefur ríkið hafnað bóta­kröfu eins þeirra með væg­ast sagt and­styggi­legum rök­stuðn­ingi. Rök­stuðn­ingi sem er hrein­lega eins og úr hlið­stæðum heimi þar sem engin mann­rétt­inda­bar­átta hefur átt sér stað, eng­inn hæsta­rétt­ar­dómur fallið og for­sæt­is­ráð­herra ekki beðið neinn afsök­unar á neinu. Þar sem segir meðal ann­ar­s: "Af hálfu íslenska rík­is­ins er öllum ávirð­ingum gagn­vart lög­reglu og dóm­stól­um, svo og ásök­unum um meinta refsi­verða hátt­semi, lög­reglu, ákæru­valds og dóm­stóla hafnað enda ósann­aðar með öllu". Svona getur ríkið ekki hagað sér, bara alls ekki. 

Hin fögru fyr­ir­heit eru eins og stjörnur á spor­baug sem svífa yfir okkur án þess að rekast nokkurn tím­ann á hinn kalda veru­leika kerf­is­ins. Hvernig getur maður hætt í þessu fárán­lega leik­riti?





Tímaáætlun um Brexit felld í breska þinginu
Boris Johnson forsætisráðherra segir að nú sé óvissa uppi hjá bresku þjóðinni. Hann lýsti yfir vonbrigðum, en sagði að Bretland myndi fara úr Evrópusambandinu, með einum eða öðrum hætti.
Kjarninn 22. október 2019
HÚH! Best í heimi
Hnitmiðað, áleitið, fyndið!
Leiklistargagnrýnandi Kjarnans fjallar um HÚH! Best í heimi þar sem leikhópurinn RaTaTam er í samvinnu við Borgarleikhúsið.
Kjarninn 22. október 2019
Vilja fjölga farþegum í innanlandsflugi um fimmtung
Stjórnvöld ætla sér að bæta grundvöll innanlandsflug hér á landi og er markmiðið að fjöldi farþega með innanlandsflugi verði 440 þúsund árið 2024 en það er rúmlega 70.000 fleiri farþegar en árið 2018.
Kjarninn 22. október 2019
Páll Gunnar Pálsson, forstjóri Samkeppniseftirlitsins.
Samkeppniseftirlitið segir að nýtt frumvarp muni rýra kjör almennings
Samkeppniseftirlitið segir að nýtt frumvarp, sem meðal annars fellir niður heimild þess til að skjóta málum til dómstóla, valda miklum vonbrigðum. Það mun leggjast gegn samþykkt þess.
Kjarninn 22. október 2019
Eiríkur Ragnarsson
Ekki draga tennurnar úr Samkeppniseftirlitinu
Kjarninn 22. október 2019
Bjarni Benediktsson,fjármála- og efnahagsráðherra.
Skýrsla um tilkomu Íslands á gráa listann væntanleg
Dómsmálaráðherra og fjármálaráðherra ætla að kynna skýrslu um aðdraganda þess að Íslandi var sett á gráa lista FAFT og hvernig stjórnvöld ætli að koma landinu af listanum.
Kjarninn 22. október 2019
Kvikan
Kvikan
Aðlögun kaþólsku kirkjunnar, peningaþvætti á Íslandi og vandræði Deutsche Bank
Kjarninn 22. október 2019
Gylfi Magnússon, dósent í viðskiptafræði og formaður bankaráðs Seðlabanka Íslands
„Þægilegra fyrir fákeppnismógúla landsins að þessi bankaráðsformaður segði sem minnst“
Gylfi Magnússon, formaður bankaráðs Seðlabankans, svarar ummælum Halldórs Benjamíns Þorbergssonar, framkvæmdastjóra SA, um að viðbrögð Gylfa hafi ekki sæmt stöðu hans.
Kjarninn 22. október 2019
Meira eftir höfundinnMargrét Tryggvadóttir