Í dag er Alþjóðlegur baráttudagur kvenna og hvað svo...

Kjarabarátta kvenna af erlendum uppruna er barátta um virðingu.

Auglýsing

Í dag höld­um við upp á alþjóð­legan dag kvenna­bar­átt­unnar og konur víða um heim­inn eru einnig að halda upp á þennan merki­lega dag. Bar­áttan um jafn­rétti heldur áfram þar til­ að VIÐ teljum að raun­veru­legt jafn­rétti hafi náðst. Það er mik­ill heiður að fá að flytja ræðu hér í dag fyrir hönd kvenna af erlendum upp­runa  á Íslandi. En það er afar sorg­legt að hugsa til þess að marg­ar þeirra kvenna sem ég stend sem full­trúi fyrir í dag eru í verk­falli þar sem þær ­mót­mæla þá gildru sem þær finna sig í hér á Íslandi og jafn­vel það sem verra er, þá eru miklu fleiri sem eru ekki í verk­falli heldur í vinn­unni og í þess­ari söm­u ­gildru.

Hvaða gildra er það sem ég er að tala um? Það er gildra van­virð­ing­ar, það er  gildra sam­fé­lags­legrar sóun­ar! Stað­reyndin er sú að alltof margar konur af erlendum upp­runa lýsa fram­komu í sam­fé­lagi sem hefur um langa hríð snúið baki gagn­vart ýmsu mis­jöfnu sem átt hefur sér stað gagn­vart okk­ur. Fram­koma af hálfu opin­berra stofn­ana, vinnu­staða, stétt­ar­fé­laga og því mið­ur, í sann­leika sagt, af hálfu íslenskra kyn­systra okk­ar. Þetta hefur leitt til þess að margar okkar upp­lifa sig ekki öruggar og að mörgum okkar finnst við ekki eiga skilið sama rétt gagn­vart vernd, kjörum, aðstöðu- og rétt­inda í ís­lensku sam­fé­lagi. Ég við­ur­kenni það að þegar ég hef fundið fyrir höfnun og/eða van­virð­ingu er erfitt að átta mig á því hvort það hafi verið vegna þess að ég er útlensk eða vegna þess að ég er kona… eða útlensk kona?!?

Alltof margar kyn­systur mínar eru fastar í þess­ari gildru sem er lág­launuð störf og oft fleiri en eitt lág­launað starf. Menntun er auð­vitað leiðin upp úr lág­laun­aðri ­gildru EN alltof margar okkar fá ekki einu sinni menntun okkar metna til fulls svo að hægt sé að færa okkur upp í betur launað starf og færa okkar þekk­ingu og kraft til sam­fé­lags­ins. Ofmennt­un ­meðal inn­flytj­enda á vinnu­mark­aði er ekki nýtt af nál­inni, við höfum öll heyrt um ein­hverjar eða jafn­vel unn­ið ­með konum af erlendum upp­runa sem eru ofmennt­að­ar. Í jan­úar var þessi ofmennt­un við­ur­kennd opin­ber­lega þegar Hag­stofan gaf út sér­hefti félags­vísa uminn­flytj­endur og þar kemur fram að ofmenntun var miklu hærri meðal fólks af er­lendum upp­runa í lág­laun­uðu starfi en inn­fæddum í sama starfi. Er ekki kom­inn tími til að við hættum að tala um það og gerum eitt­hvað? Breytum þessu! Af hverju má ekki meta ­menntun okkar til hærri launa og færa okkur upp úr þess­ari gildru?

Auglýsing

Kjara­bar­átta kvenna af erlendum upp­runa er bar­átta um virð­ingu. Ég vil ekki horfa lengur í tár­vot augu og sjá alla leið­ina inn í hjörtu full af reiði hjá vin­konum mín­um ­sem eru spreng­lærðar og hlusta á þær lýsa bar­áttu fyrir því að fá sann­girni, fá við­ur­kenn­ingu fyrir því að þær ERU sál­fræð­ing­ar, kenn­ar­ar, hjúkr­un­ar­fræð­ing­ar, lækn­ar, lög­fræð­ing­ar, mark­aðs­fræð­ing­ar, frétta­konur eða lista­konur sem starfa dag­lega við störf sem er bæði lág­laun­að og Íslend­ingar vilji sjálf ekki starfa í. Jafn mik­il­vægt er að virða rétt kvenna af erlendum upp­runa án form­legrar mennt­unar til að mennta sig hér á Ís­landi alveg eins og íslenskar kyn­systur þeirra og bjóða þeim upp á sama tæki­færi til að færa sig upp í launa­töflu og í sam­fé­lagi!

Yfir­skrift ­dags­ins í dag er kjara­bar­átta. Við værum sáttar við það að fá hærra kaup og betri kjör á vinnu­staðnum en leyfum okkur einnig að setja á dag­skránna for­dóma, mis­munun og nið­ur­brot sem konur af erlendum upp­runa upp­lifa á íslenskum vinnu­mark­aði. Ræðum aðeins eina opin­bera grein­ingu á launa­mun milli starfs­mannaaf erlendum upp­runa og Íslend­inga. Reykja­vík­ur­borg  stóð fyrir þess­ari grein­ingu og þar kom fram að erlent starfs­fólk var með 23,7% lægri grunn­laun en starfs­fólk með íslenskt ­rík­is­fang og 24,7% lægri heild­ar­laun. EN þegar menn raða hlutum upp inn­an­ ­starfa­flokks, mennt­unar (eins og þau eru við­ur­kennd af hálfu yfir­manna og ­launa­deildar ), fag- og starfs­ald­urs og vinnu­tíma dregur veru­lega úr þessum mun ­sem end­ur­spegl­ast í því að leið­réttur launa­munur grunn­launa er 3,1% og heild­ar­launa 3,2% á hóp­un­um.

Það seg­ir okkur að það séu mjög fáar konur af erlendum upp­runa sem starfa á fagsviði sem ­sér­fræð­ing­ar, sem milli­stjórn­endur og/eða stjór­ar… Sorg­legt en satt þá virð­is­t vera sem svo að okkur sé ekki treyst fyrir slíkum störf­um. Um dag­inn var Al­þingi Íslands loks­ins að gefa rík­inu leyfi til að ráða inn­flytj­endur í störf með því að fella niður þá kröfu í lögum um rétt­indi og skyldur starfs­manna rík­is­ins að ein­stak­lingur verði að vera íslenskur rík­is­borg­ari til að geta fengið starf hjá rík­inu. Hugsið ykk­ur, ­konum af erlendum upp­runa er ekki treyst fyrir því að starfa sem sér­fræð­ingur í ráðu­neyt­inu, ekki einu sinni í mál­efnum utan­ríkis eða inn­flytj­enda! Sama má ­segja í einka­geir­anum og þó að það liggi ekki grein­ing fyr­ir, erum við í Sam­tök­um kvenna af erlendum upp­runa ekki að taka á móti konum af erlendum upp­runa sem ­starfa í stjórn fyr­ir­tækja eða í ábyrgð­ar­starfi hjá bönk­um, líf­eyr­is­sjóðum eða ­trygg­inga­fé­lög­um.

Gáf­að­ar­, ­mennt­að­ar, sterkar og fal­legar konur sem flytja hingað til lands eiga sér söm­u drauma og vonir og íslenskar konur um bjarta fram­tíð og vel­gengni. Það er ­sam­fé­lags­leg sóun þegar þessar konur sjá drauma og vonir verða að engu vegna ­kerf­is­bund­inna for­dóma, van­rækslu og mis­mun­un­ar, er þeim þröngvað í hlut­verk ræsti­tæknis á Alþingi, aðstoð­ar­konu í eld­húsi leik­skóla eða í umönnun á hjúkr­un­ar­heim­il­u­m á meðan meistara­gráður í sál­fræði liggja á hill­unni að safna ryk­i. 

Dag­ur­inn í dag snýst um sam­stöðu kvenna, að við stöndum hér saman og sam­mæl­umst um að við viljum að sam­fé­lagið leggi sig fram við að virða jafnan rétt okkar kvenna til­ betri kjara og virð­ing­u.. við stöndum saman í að efla kraft allra kvenna á Ísland­i. ­Konur af erlendum upp­runa krefj­ast nú sömu athygli sem og stuðn­ings frá íslenskum kyn­systrum okkar og að sam­fé­lagið bregð­ist við okkar ósk um virð­ingu með sama hætti og íslenskra kvenna.  Fyr­ir­tæki,  stétt­ar­fé­lög, opin­berar stofn­an­ir, sam­tök og sveit­ar­fé­lög þurfa að leggja sig fram í að útrýma mis­munun og sóun sem ég lýsi hér í dag. Þið þurfið að horfa sér­stak­lega til vald­efl­ingar þeirra við­kvæmust­u ­meðal okk­ar. Mik­il­vægt er að vinnu­veit­endur og stétt­ar­fé­lög tryggi það að við ­séum upp­lýstar um rétt­indi okkar og að þið virðið það að við viljum aðgang að okkar rétt­indum og tæki­færum til að deila með ykkur því besta sem við höfum fram að bjóða á vinnu­staðnum og í sam­fé­lag­inu. Síð­ast en ekki síst krefj­umst við að ­þið kæru íslensku kyn­systur standið með okk­ur, styðjið okkur og leyfið okkur að standa ávallt sam­hliða ykk­ur.  

Libra skjálfti hjá seðlabönkum
Áform Facebook um að setja í loftið Libra rafmyntina á næsta ári hafa valdið miklum titringi hjá seðlabönkum. Hver verða áhrifin? Þegar stórt er spurt, er fátt um svör og óvissan virðist valda áhyggjum hjá seðlabönkum heimsins.
Kjarninn 24. júní 2019
Lögfræðikostnaður vegna orkupakkans rúmlega 16 milljónir
Lögfræðiráðgjafar var aflað frá sex aðilum.
Kjarninn 24. júní 2019
Helga Dögg Sverrisdóttir
Þörf á rannsóknum á ofbeldi í garð kennara hér á landi
Kjarninn 24. júní 2019
Stuðningur við þriðja orkupakkan eykst mest meðal kjósenda Vinstri grænna
90 prósent kjósenda Miðflokksins eru mjög eða frekar andvíg innleiðingu þriðja orkupakkans.
Kjarninn 24. júní 2019
Vilja koma böndum á óhóflega sykurneyslu landsmanna
Skipaður hefur starfshópur til að innleiða aðgerðaáætlun Embættis landlæknis til að draga úr sykurneyslu landsmanna. Landlæknir telur að vörugjöld og skattlagning á sykruð matvæli sé sú aðgerð sem beri hvað mestan árangur þegar draga á úr sykurneyslu.
Kjarninn 24. júní 2019
Kjósendur Miðflokks, Flokks fólksins og Framsóknar helst á móti Borgarlínu
Kjósendur Samfylkingar, Viðreisnar og Pírata eru hlynntastir Borgarlínu.
Kjarninn 24. júní 2019
Snæbjörn Guðmundsson
Hvalárvirkjun í óþökk landeigenda
Leslistinn 24. júní 2019
Borgarlínan
Stuðningur við Borgarlínu aldrei mælst meiri
54 prósent Íslendinga eru hlynnt Borgarlínunni en um 22 prósent andvíg.
Kjarninn 24. júní 2019
Meira eftir höfundinnNichole Leigh Mosty