Munurinn á menntun og innrætingu

Hvenær er fræðsla komin út í öfgar?

Auglýsing


Nýverið birtu­st fréttir þess efnis að börn í Vinnu­skóla Reykja­víkur hefðu dag einn lag­t ­niður störf til að taka þátt í mót­mælum eftir fræðslu og hvatn­ingu til þess frá­ ­yf­ir­boð­urum sín­um. Sams­konar hvatn­ing til stjórn­mála­þátt­töku fyrir ákveðna hug­mynda­fræði á sér stað í kynja­fræði­kennslu grunn­skóla. Þetta varð efni þess að ég ákvað að senda erindi til Umboðs­manns­Barna. Því ég hef áhyggjur af því að þetta sé óheilla­væn­leg þró­un, að inn­leiða svo­kall­aðan aktí­visma í skóla­starf. Með þessu sé verið að troða á rétt­ind­um ­barna til að mynda og tjá sínar eigin skoð­an­ir.

Almennt hef ég fengið mjög góð við­brögð við þessum hug­leið­ingum þvert á allar póli­tískar lín­ur. Þó að Umboðs­maður Barna hafi enn ekki svarað athuga­semdum mín­um. Hins vegar var eitt­hvað um að menn mis­skild­u hvað átt væri við með þess­ari gagn­rýni. Ein­hverjir héldu að þetta sner­ist um um­hverf­is­mál. Aðrir töldu að mót­mæli í kjöl­far fræðslu um hverju ætti að ­mót­mæla væru í raun­inni kennsla í gagn­rýnni hugs­un.  En hvort tveggja er víðs fjarri sann­i.  Þessi mis­skiln­ingur og hug­ar­holan sem menn grófu sjálfa sig ofan í með honum krefst svo sem engra sér­stakra svara. En ég taldi rétt að útskýra nánar hvað ég á við með því að setja mig á mót­i ­kennslu­að­ferðum sem hvetja til póli­tískra aðgerða hjá börn­um. Skoðum fyrst mun­inn á mennt­un og inn­ræt­ingu:

 

Auglýsing

Menntun felur í sér:

  • Opnar hug­ann.
  • Kennir aðferða­fræði frekar en rétt­hugs­un. Til að und­ir­búa við­tak­and­ann undir að takast á við og greina mis­mun­andi sjón­ar­mið.
  • Segir ekki við­tak­and­anum hvað hann eigi að hugsa eða hvernig hann eigi að vera.
  • Hvetur til gagn­rýni og efa­semda.
  • Hjálpar við­tak­and­anum að leggja frá sér hvers kyns for­dóma eða „gler­aug­u”. Þar ­sem rör­sýni getur hæg­lega komið í veg fyrir að heild­ar­mynd sann­leik­ans sjá­ist.

 

Inn­ræt­ing felur í sér:

  • Lokar hug­an­um.
  • Setur loka­tak­markið framar aðferða­fræð­inni. Mark­miðið sé svo göf­ugt að það rétt­læti aðferðir sem myndu ekki þykja rétt­læt­an­legar til að kenna annan og ó­æðri boð­skap.
  • Er ætlað að breyta hegðun og hugsun við­kom­andi þannig að það falli að ákveð­inn­i póli­tískri sýn eða hug­mynda­fræði.
  • Ætl­ast til að við­tak­and­inn sam­þykki lær­dóm­inn án þess að spyrja gagn­rýn­inna ­spurn­inga.
  • Þjálfar við­tak­and­ann í að horfa gegnum eins­konar linsu eða gler­augu til að sjá heim­inn þeim litum sem hug­mynda­fræðin boð­ar. Sumir inn­rætendur fara ekki ein­u sinni leynt með þessa aðferð og tala tam. um „kynja­gler­aug­u“.

 

Vinnu­skóla dæmið

Hvernig falla aðferðir sem not­aðar eru í Vinnu­skól­anum að þessu? Börn­unum er sagt hvað þeim á að finn­ast. Síðan er búið að und­ir­búa að þau skrifi á skilti hvað þeim á að finn­ast og mar­sera því næst með skilt­in ­niður í Umhverf­is­ráðu­neyt­i.  Hvar í þessu ­ferli var gefið færi á gagn­rýn­inni hugs­un? Skóla­stjóri vinnu­skól­ans hvít­þvær hendur sínar varð­andi þennan þátt með að segja að börnin hafi fengið val um að taka ekki þátt í fræðsl­unni. Rauna segir hann: „Við erum alls ekki að hvetja alla til að taka þátt í þessu.“  Sem er auð­sjá­an­lega ekki rétt, þegar nem­endum Vinnu­skól­ans er kynntur sá kostur að fá að skreppa frá hefð­bundnum störfum þennan dag á fullum launum til að taka þátt í þessu stjórn­mála­starfi. Hvernig getur það talist annað en hvatn­ing? Hvað annað hefði verið boðið upp á að skreppa frá vinnu til að gera á fullum laun­um, án þess að verið sé að hvetja til þess?

 

Val­kvæði sannar innri efa­semdir

Að þátt­taka í skilta­gerð og mót­mæla­göngu hafi verið val­kvæð sannar raunar að stjórn­endur Vinnu­skól­ans vissu vel að ekki var um hefð­bundna fræðslu í gagn­rýn­inni hugsun að ræða. Að bak­dyrnar hafi verið skildar eft­ir opnar til að þeim sem ekki vilja bendla sig við póli­tíska hug­mynda­fræði sé ekki ­gert að taka þátt, sýnir einmitt hvernig í pott­inn er búið og er sönnun þess að hér átti ekki að fara fram mennt­un, heldur inn­ræt­ing. Hvenær ann­ars hef­ur ­nem­endum verið gefið það frjálst að taka þátt í fræðslu nema þegar fræðslan er á gráu svæði með að virða lífs­skoð­anir fólks og fjöl­breyti­leika mann­lífs­ins? Er val­frjálst að mæta í stærð­fræði­tíma? Nei, slíkt val­frelsi er aðeins í boði í trú­ar­bragða­fræðslu, sem dæmi.

Umhverf­is­fræðsla er til góðs

Nú vil ég ítreka aftur að mín gagn­rýni snýr ekki að efn­i ­kennsl­unn­ar. Heldur aðferð­inni. Umhverf­is­fræðsla er góð og á alveg eins heima í Vinnu­skól­an­um. En þá hlýtur sú kennsla að fara fram eins og hver önnur kennsla. ­Stærð­fræði er mjög mik­il­væg og sönn fræði. En það þætti und­ar­legt að senda börn ­með mót­mæla­spjöld til fara fram á aðgerðir stjórn­valda í þág­u ­stærð­fræði­grein­ing­ar. Það er ekki hlut­verk barna að taka þátt í stjórn­mál­um, sama hversu góður mál­staður kann að vera að baki. Það að ein­hver fræðsla sé tal­in svo mik­il­væg að það megi brjóta grund­vall­ar­reglur fyrir hana, ætti að hringja við­vör­un­ar­bjöll­um. Að mögu­lega sé þessi fræðsla komin út í öfg­ar. Öfgar sem kæfa ­gagn­rýna hugs­un. Enda er það lífs­skoðun margra að taka ekki þátt í öfg­um. Þá lífs­skoðun ber að virða.

 

Trú­ar­brögð og lífs­skoð­anir eiga ekki heima í opin­berum skólum

Í Aðal­náms­skrá Grunn­skól­anna er komið inn á þann þátt sem snýr að virð­ingu fyrir lífs­skoð­un­um. En þar seg­ir: „Grunn­skólar skulu leitast við að haga störfum sínum þannig að nem­endur þurfi ekki að fá und­an­þágu frá­ á­kveðnum þáttum skóla­starfs vegna trú­ar- og lífs­skoð­ana sinna.“



Jafn­framt hefur verið lögð rík áhersla á að aðgreina ekki nem­endur í sund­ur­ ­sök­um: þjóð­ern­is, tungu­mála, trú­ar­bragða eða lífs­skoð­ana.  „. Leggja skal áherslu á skóla án að­grein­ingar í öllu skóla­starf­in­u.“

Ljóst er að fræðsla sem er fram­kvæmd á þann hátt að kenn­ar­ar ­sjá ekki sóma sinn í öðru en að hafa hana val­kvæða, er and­stæð þessum sjón­ar­mið­u­m um skóla án aðgrein­ingar og virð­ingu fyrir mis­mun­andi lífs­skoð­un­um. Börn eiga betra skilið en að vera sett í þá stöðu að vera úti­lokuð vegna skoð­ana sinna ef ske kynni að þær væru ekki í sam­ræmi við póli­tískt réttar skoð­anir þeirra sem sjá um kennsl­una. Þetta er algjört prinsipp mál sem nær yfir allar lífs­skoð­anir og ætti að vera hafið yfir póli­tík.

 

Fimm manns sem voru gestkomandi á heimili Víðis og eiginkonu hans síðasta laugardag eru smituð af kórónuveirunni.
Ellefu urðu útsett fyrir smiti á heimili Víðis
Auk Víðis Reynissonar yfirlögregluþjóns og eiginkonu hans eru fimm manns í nærumhverfi hjónanna, sem voru gestkomandi á heimili þeirra síðasta laugardag, smituð af kórónuveirunni. Víðir segir hjónin hafa verið verulega slöpp í gær, en skárri í dag.
Kjarninn 28. nóvember 2020
Fréttaþættirnir Heimskviður verða ekki á dagskrá RÚV á nýju ári.
Heimskviður hverfa af dagskrá Rásar 1
Gera þarf breytingar á dagskrá Rásar 1 vegna hagræðingaraðgerða hjá Ríkisútvarpinu. Ein þeirra er sú að Heimskviður, fréttaskýringarþáttur um erlend málefni, verður ekki lengur á dagskrá á nýju ári. Einnig mun þurfa að endurflytja meira efni.
Kjarninn 28. nóvember 2020
Hallgrímur Hróðmarsson
Hver er hann þessi sem gengur alltaf með veggjum?
Kjarninn 28. nóvember 2020
Gylfi Zoega, hagfræðiprófessor við Háskóla Íslands
Gylfi ver ummæli Tinnu um landamæraskimanir
Prófessor í hagfræði útskýrir hagfræðilegu rökin fyrir því að skylda komufarþega að fara í skimun á landamærunum og láta þá borga hátt gjald fyrir það í nýjasta tölublaði Vísbendingar.
Kjarninn 28. nóvember 2020
Svandís Svavarsdóttir, heilbrigðisráðherra.
Margir héldu að málið væri í höfn – en svo er ekki
Heilbrigðisráðherra segir að liggja verði ljóst fyrir hversu miklum peningum verði ráðstafað í samning við sjálfstætt starfandi sálfræðinga áður en hann verður gerður til þess að fjármunum verði varið með sem bestum hætti.
Kjarninn 28. nóvember 2020
Smitum fjölgar um eitt á milli daga.
Tuttugu og eitt smit og átta utan sóttkvíar
Tuttugu og einn einstaklingur greindist með COVID-19 hérlendis í gær. Minnihluti þeirra, eða átta manns, voru utan sóttkvíar við greiningu.
Kjarninn 28. nóvember 2020
Ástandið kallar á að við setjum okkur í spor annarra – og er prófsteinn á siðferði okkar
Sjaldan hefur verið mikilvægara að staldra við og íhuga aðgerðir stjórnvalda vegna þerrar heilsuvár sem vofir yfir. Við það vaknar fjöldi siðferðislegra spurninga og ræddi Kjarninn við Vilhjálm Árnason til þess að komast nær svörum í flóknum aðstæðum.
Kjarninn 28. nóvember 2020
Eiríkur Ragnarsson
Að hanga heima hefur aldrei verið betra
Kjarninn 28. nóvember 2020
Meira eftir höfundinnViðar Freyr Guðmundsson